Oetreiking Veldeke Pluum

Remunj telt gelökkig nog heel väöl miense die zich veur 't plat gans wille gaeve. Det zeen miense die loupe, sjörge en duje aan de promotie van 't plat - geweun ómdet ze det sjoon en belangriek vinje. Ouch dit jaor haet Veldeke Krink Remunj weer emes op 't oug óm in 't zunke te zètte mit de Pluum van Veldeke. 

De oetreiking waert opgeloesterd door Laura Theunissen (1986), 'n ‘Slekkermaedje’, det kórte mer krachtige gedichte in 't plat sjrief. Ónger 't motto ‘Vanmichveurdich’ sjrief Laura euver thema’s wie de liefde, vrundsjap, dörve druime, 't viere van 't laeve en ouch 'n stökske dankbaarheid. Veur Laura veult 't plat 't meis authentiek óm in te sjrieve. 't Kees daobie veur 'n breid publiek: “Mien gedichte zeen voor ederein, neet te lank of ingewikkeld geformuleerd, mer geweun rech voor de raap.”

Zeet geer benuujd? Kóm dan op 13 april nao 't Historiehoes in de Bibliotheek Bibliorura in Remunj.

   Zóndaag 13 april

   14.30-15.30 oer

   De bieb | Jeugaafdeiling

Meer informatie lees je op: dialect - de Bibliotheek Bibliorura